“Pal photography團隊做嘢幾爽快，而且成個安排好有條理，俾人一種好有經驗、準備充足嘅感覺🌟。所以我哋將Pre-wedding同Big Day都交咗俾佢哋。由初期溝通到正式拍攝之前，團隊都會主動了解我哋嘅喜好同想法，唔係一味用佢哋自己嘅模式，而係真係聽我哋想要啲乜。到拍攝當日，Pal photography亦都會清楚指示我哋點樣擺pose、邊啲位需要注意，所以基本上我哋都唔洗自己諗太多，成個過程都幾輕鬆💕。其中一個比較深刻嘅地方係，當時我哋嘅時間其實都幾趕，而 Pre-wedding 又啱啱撞正接近打風嘅日子。團隊一早就已經幫我哋諗定 backup plan，例如如果戶外拍攝受影響，就可以即時轉去 studio，成件事都安排得好有條理，唔會亂曬龍。呢種事前準備真係令我哋安心好多，唔洗我哋自己擔心有咩突發情況會發生😋。”

“當時我哋都有考慮過其他攝影團隊，但最終都覺得Pal Photography比較啱我哋。與佢哋溝通嘅時候，俾我哋嘅印象好好，樣樣野都清楚，我哋都知道自己下一步會做啲咩。佢哋俾嘅information同指示都好明確，唔會令人疑惑😆。我哋揀咗佢哋嘅 pre-wedding 同 Big Day 攝影package。喺拍攝之前，Pal Photography都問我哋有冇啲特別要求或者效果係想做到，但因為我自己都鍾意佢哋嘅風格，所以我都好放心咁交俾佢哋去自由發揮。Big Day 當日，Joey 同團隊好識帶動氣氛。佢哋會諗吓點樣lead新人， 會好似大妗姐咁，避免成個場面太尷尬或者沉悶，所以當日嘅氣氛都好好，大家互動得都幾舒服。Video嘅同事亦唔會太死板，唔會叫我哋做啲好唔自然嘅擺拍，令大家都唔會覺得尷尬。溝通方面都好足夠，無論 pre-wedding 定 Big Day，佢哋都會lead住我哋，提點我哋下一步應該做啲咩🤪。就算我哋有啲緊張或者唔知自己要做啲咩，佢哋都會輕輕提示我哋。 影相方面都好專業，唔單止係燈光同角度，我哋所有嘢都好放心交俾佢哋❤️。成品基本上都符合我哋期望，成個影相過程都幾順利，安排同時間都編排得好好， 唔需要擔心影得太耐或者唔知點做。如果有朋友結婚，我都會推介Pal Photography，對團隊都好有信心，推介俾身邊嘅人都唔洗擔心😙。”